مرة ولد صغير عمال يقول:يا رب خلي باريس عاصمة لبنان يا رب خلي
باريس عاصمة لبنان فسمعته امه فسالته:ليه بتقول كده يا حبيبي فقال:علشان كتبت كده في الامتحان
*********
مرة كان في أسد مربوط في شبكة فكان صاحبنا الفار يطلع علية كل يوم ويقول:يا أسد يا أهبل ويجري لغاية
لما الأسد فك نفسه فراح للفار ومسكه من أفاه وقاله:انتا كنت بتقول ايه يا حقير والله لاكلك فقال:الفار آسف والله يا سيادة الملك وآدي راسك أبوسهاوطلع على راسه ورايح يبوسها لقى حبيبته معديه فحب يتمنظر راح قايل:ها أفعصك دلوقتي
*********
مرة اتنين مساطيل راحوا يلعبوا بلياردوا راح واحد منهم وقف على الطرابيزة وقال
انا الجوووووووون
********
اب سئل ابنه :ليه الاستاذ كتبلك حمار في الكراسه قاله:
لا يا بابا دي امضته
*********
مرة واحدة ظهر لها مصباح علاء الدين فمسكته وحكته فظهر لها الجني وقالها
شبيك لبيك .....راحت قاطعاه وقالت له سيبك من الفيلم الحمضان ده احنا حافظينه خش في المهم قالها ليكي ثلاثة طلبات بس لي شرط قبل ما تطلبي اي طلب قالت له ماشي قالها ان أي طلب انت هاتطلبيه جوزك ها ياخد عشرة أضعافه قالت له ماشي ، أول طلب قالت له انا عايزة ابقى اجمل ست في العالم قالها خلي بالك جوزك ها يبقى اجمل راجل في العالم والستات كلها ها تجري وراه قالت له وانت مالك ما تشتغل وانت ساكت ، جلا جلا الست بقى اجمل وحدة في العالم والطلب الثاني قال له عايزة أبقى أغنى ست في العالم قالها جوزك هايبقى اغنى راجل في العالم وهايدور يسرمح في الكباريهات قالتله وانت ايش حاشرك ، جلا جلا بقت أغنى ست في العالم والطلب الثالث بقى والأخير قالت له أنا هانزل دلوقت أطلع على المستشفى وعايزاك أول ما أوصل على باب المستشفى يجيلي أزمة قلبية صغيرة ..........
********
مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة راحت انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..دانا كنت معلقاه عشان ينشف
********
واحدة بتسأل زوجها بنقوله:انت بتحب الست الجميلة وللا الذكية رد عليها وقال لها
لا بحبك انت
**********
مرة واحد صعيدى واقف فى الدور السادس ففى واحد جه وقال له
يا عوضين يا عوضين امك ماتت وابوك مات ومرتك ماتت وعيالك ماتوافالصعيدى قال:وه بوى مات وامى ماتت ومرتى ماتت وعيالى ماتوا امال انا حعيش ليه فقام نط من الدور السادس فوهو فى الدور الخامس قال:وه بوى ميت من زمان فى الدور الرابع قال وه امى ميته من زمان فى الدور التالت فال وه انا معنديش عيال فى الدور التانى قال وه انا متزوجتش فى الدور الاول قال وه انا مسميش عوضين
******
واحدة قالت لزوجها : اليوم بصيت لنفسى فى المراية لقيت نفسى قمر14 تفتكر كده غرور
قالها : لأ غرور ايه ده كدة يبقى عمى
********
زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة قالولها
جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله
********
مرة سالوا واحد احول اية امنيتك فى الحياة قال لهم
اشوف واحد ماشى لوحده
**********
ابو العربى قابل مذيعة قالت له انا سمعت كتير عن بطولاتك فى الحرب قالها
طبعا ابو العربى يسد فى كل مكان فى 48 واليمن و56 و67 و73 والعراققالت المذيعه
طب هأسألك كام سؤال...
-لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى ولا إيه؟؟؟
**********
مرة واحد مسطول راكب عربية ووقف فى الاشارة فعسكرى المرور قاله انت
مش لابس الحزام ليه قاله اصل مش لابس بنطلون
****
كان فى مرة مسابقة على إلى يعدى البحر ويطلع الجبل ويموت الغوريلا ويتجوز الأميرة كان فى
ثلاث متسابقين الأول معرفش, والثانى عدي البحر ووقع من على الجبل , الثالث كان غبى عدي البحر وطلع من على الجبل وقتل الأميرة واتجوز الغوريلا
*******
مره واحده بتسال الخدامه الجديده انت بتحبي القطط قالت
ماتقلقيش يا ستى انا ممكن اكل اي حاجه
*********
مره واحد بينسى كتير : راح يحج وبعد ماحج وهو فى الطياره سمع ناس بتقول
الطواف قال لنفسه ايه الطواف ده؟ وكمان شويه سمع ناس بتقول السعى قال لنفسه ايه السعي ده؟ وبعد مانزل من
الطياره فبيقول لنفسه يا ترى نسيت ايه تانى يا جرجس
*********
مرة واحد صعيدى بيدهن الحيطة.... قالوله طب حط جرنال تحتك... قال
لهم : لا مش مهم انا كدا طايل
********
مره سواق مسطول ماشي فواحدة شاورتله وقالتله انا رايحة أخر الشارع فقالها
بس متتأخريش
*********
مرة دكتور دخل عنبر فى سراية المجانين لقى واحد بيخبط دماغة فى الحيطة سأل الممرضة ماله ده ؟ قالت أصله كان
بيحب واحدة ومتجوزهاش دخل العنبر الى بعده لقى واحد بيضرب نفسة بالشبشب قالها وده ماله قالتله أصل ده اللي اتجوزها
الخميس سبتمبر 06 2007, 12:39