السلام عليكم ورحمة الله وبركاته
بصو يا جماعه
اولا انا مكتبتش الخبر ده الا لما اتاكدت منه على النت
من واحد اتصل عليه دكتور قريبه صاحب دكتور مشرف على حالة الرئيس
المهم الخبر ان الرئيس متوفى من مدة ارربع ايام موت اكلينيكى
وانهم الوقتى بيهيئو النظام والحكومه عشان يعرفو ينزلو الخبر
على فكره ياجماعه الخبر منتشر جامد
وانا عارف من كام يوم فاتو عن الموضوع ده
بس طبعا كنت بقول اشاعات
بس اعتقد ان الموضوع مبقاش فيه اشاعات
وان رئيسنا حسنى مبارك مات خلاص
بجد ياجماعه والله العظيم انا بكتب الخبر ده والدموع فى عينى
زعلان جدا جدا عليه...ربنا يرحمه يارب
الراجل مكنش سئ والله
يمكن لو حد مكانه كان زمانه دخلنا فى حروب مش بتاعتنا اساسا
الراجل حافظ على مصر والله يا جماعه..من اى خطر خارجى
يمكن الناس كلها كانت عايزاه يتشال عشان الاسعار اللى مولعه فى البلد
بس الكل عارف ان اللى حواليه هما اللى وحشين ..وانهم واكلين البلد فى بطنهم
يمكن لو كان اللى جمبه شخصيات نضيفه كان زمانا شوفنا مصر احسن من كده مليون مره
بس كل اللى اتمناه من ربنا سبحانه وتعالى ان ييجى واحد يقدر يحافظ على مصر وارواح شعب مصر
وميكنش عميل لامريكا ولا يكون تحت رايتهم...وفى نفس الوقت مش عايزين جمال مبارك
احنا عايزين حد يعرف ربنا كويس عشان يقدر يمشى البلد صح
والله جوايا كلام كتير اكتبه بس حزنى على الريس اكبر بكتير من اى حاجه
وربنا يرحمه يارب
وياريت تدعوله بالرحمه يا جماعه
الخميس سبتمبر 06 2007, 12:13